هل ملفك في شركة الإستعلام أم البنك : هقولك على طريقيتين لمعرفة حالة ملفك هل هو في شركة الإستعلا...
هل ملفك في شركة الإستعلام أم البنك :
هقولك على طريقيتين لمعرفة حالة ملفك هل هو في شركة الإستعلام أم في البنك ؟
ملحوظة : الطريقتين التاليين للناس اللي جالها المستعلم فقط :
الطريقة الأولى
ودي اللي الكل بيستخدمها حاليا لمعرفة بياناته ( البنك المحول اليه ورقم العمارة والدور وهكذا ) طريقة فعالة ومش محتاج تعمل أي حاجه غيرها وهي كالتالي :
1- ادخل موقع صندوق الإسكان الإجتماعي
2- اضغط على مركز خدمة المواطنين
3- اضغط على طلبات
4- اضغط تعديل من دور إلى دور
5- هتدخل بياناتك ومن خلالها تعرف مكانك
أو ممكن تتوجه للرابط مباشرة من غير ما تعمل الخطوات السابقة (بالضغط هنا )
طيب فلنفترض ظهرلك الصورة اللي فوق دي يعني باختصار مظهرلكش اي بيانات او قالك لم يتم التخصيص ، نروح بقا للطريقة التانية واللي أغلب الناس مبتعملهاش أو بتخاف تعملها .
: الطريقة الثانية
قبل أما أقولك على الطريقة التانية ، الطريقة دي عن تجربتي أنا مشوفتش حد عملها ، فلو مش مستعجل متعملهاش ولو قلقان او خايف متعملهاش واصبر أفضل . بالنسبة للطريقة التانية
هي إني عملت شكوى وبصراحة جالي الرد في اليوم التالي ومن خلال الشكوى دي عرفت الحمد لله إن ملفي في البنك بيتراجع
. ومعادش في شركة الإستعلامات الحمد لله
بالنسبة لنص الشكوى علشان لو انت محتاجه أو طريقة كتابة الشكوى ابعت على صفحة الفيس التالية وهبعتلك الملف اللي بعتوا وجواه نص الشكوى علشان تكتب زيوا .
مع تمنياتي بالتوفيق للجميع وأتمنى متابعة الموقع بما انك هتكون من اهالي السادات والتسجيل في الموقع للاستفادة من الخدمات .
